相信無論係大人小朋友都鍾意玩賽車，但好多啲賽車場都未必係成家人都啱玩，一係要車牌只啱大人，一係專畀小朋友放電大人得個睇字。日本嘅鈴鹿賽車場就可以一次過滿足晒一家大細嘅賽車夢，有超多唔同程度嘅車道，各位車手上路喇！
親子同遊！日本首座正統賽車場賽道
鈴鹿賽車場樂園擁有日本首座正統賽車場賽道「鈴鹿賽車場」，係好啱親子同遊嘅大型複合式遊樂場所。 唔同年紀嘅小朋友都可以發揮潛力激發挑戰，仲有各項進階賽道競賽以及刺激嘅雲霄飛車等，勁正！
小朋友嚟到可以去專為小車手打造嘅「SUZUKACIRCUIT MOTOPIA」遊樂園，玩小摩托車、小賽車、小火車、小巡邏警車、小飛機等。DUELGP就係世界首創、可以自己駕駛嘅戰鬥雲霄飛車，透過手上方向盤嘅靈活轉動與同行車一齊競速，好好玩！場內仲有各個好啱小朋友嘅機動遊戲，基本上係一歲就玩得，好似係小蜜蜂「Bun Bun Bee」，自己操縱蜜蜂籃去採花蜜。
大人自然是速度與激情，重機飆速：GP RACERS 型到爆，大家可以騎上重機，體聚過彎壓車極限感受，仲有多個急彎構成嘅技巧型賽道，又刺激又好玩。
超型！F1日本錦標賽賽道
鈴鹿賽車場不時會舉行F1日本錦標賽及國際摩托車賽事鈴鹿8小時耐久賽，作為車迷就緊係想落車道揸返轉喇！Circuit Challenger只要夠9歲就可以做駕駛員，喺真正嘅F1日本錦標賽賽道上馳騁，電動車最多可以容納3個人，一家3口齊齊係喺賽道上飛馳，如果2-9歲都可以做乘客㗎！
出發前駕駛者會獲得一張數據紀錄卡，一上車就可以啟動引擎，玩完之後就會有一張自己嘅賽道駕駛成績單添！
LTrip <暑假大阪親子激玩無限FUN 6天團>
呢個旅行團啱晒想暑假帶小朋友去放個玩嘅大家，除咗有刺激嘅鈴鹿賽車場樂園外，仲有伊賀流忍者博物館、信樂陶苑狸貓村、滋賀農業公園Blumen之丘等多個景點，大家唔好錯過喇！
LTrip <暑假大阪親子激玩無限FUN 6天團>
驚喜優惠：$11,888+（成人團費）、8,888+（小童團費 (2-11歲)）
行程一覽及報名連結：https://bit.ly/3TSIXRA
出發日期︰2024年7月27日, 8月17日, 8月24日
❇LTrip旅行團及本地遊均設獨立包團，可作企業培訓及家族、團隊、機構聚會之用。關於更多企業優惠及包團旅遊服務，歡迎聯絡查詢❇
